InicioAncaresNavia de SuarnaNavia de Suarna quere conseguir a IXP para os viños da zona

Navia de Suarna quere conseguir a IXP para os viños da zona

Tamén desde a Deputación de Lugo vaise impulsar a recuperación da vitivinicultura na área do Navia e para iso financiaranse programas de formación para o que se destinarán 21.000 euros.

PUBLICADA O

- Advertisement -

O alcalde de Navia de Suarna, Pepe Fernández, destacou o traballo do municipio para tentar conseguir a Indicación Xeográfica Protexida (IPX) para os viños da área do río Navia.

Esta Indicación Xeográfica Protexida bautizouse como Terras do Navia-Negueira de Muñiz e comprende parte deste municipio e da Fonsagrada.

“Levamos anos con colleiteiros da zona de Navia e A Fonsagrada, e desde hai anos loitamos por esa denominación de aquí, a ver se o conseguimos axiña“, solta.

O rexedor tamén sostén a importancia de ir recuperando a produción. “Non é moi forte, foise abandonando durante moitos anos moita parte dos viñedos que había”, subliñou.

Fernández puntualizou que non é “unha zona moi grande”, con “sete ou oito colleiteiros, dous que teñen adegas e rexistro para comercializar” estes caldos. “As outras son máis en plan caseiro, artesán, para consumo propio, para amigos”, sinalou.

En canto ao viño “non é forte, é máis ben frouxo e ten un bo padal e é bastante apreciado o branco, aínda que se produce máis tinto“, engadiu.

Tamén desde a Deputación de Lugo vaise a impulsar a recuperación da vitivinicultura na conca do Navia e para iso financiaranse programas de formación para o que se destinarán 21.000 euros.

ÚLTIMAS

Coñece navegando o corazón da Ribeira Sacra

Os canóns do Sil son un dos monumentos naturais máis impresiontantes de Galicia. Son...

Terá Lugo nova estación de tren e autovía a Santiago en 2025?

O ministro de Transportes e Mobilidade Sustentable, Óscar Puente, garantiu este venres en Lugo que...

O Arde lucus xa está aquí, as lexións romanas tomaron a cidade

Preto de chegar ás 21,00 horas na ponte romana da cidade, dun lado estaban,...

Investigado un traballador do Concello de Lugo por presuntos abusos sexuais

Un traballador social do Concello de Lugo atópase actualmente investigado como presunto autor dun...