A Garda Civil de Lugo rescatou o pasado luns un exemplar novo de corzo que se atopaba desorientado nas inmediacións da estrada N-V, ao seu paso polo termo municipal de Becerreá. Segundo relatan, o animal, visiblemente asustado, abandonou a vía e accedeu ao interior do garaxe dunha vivenda situada no lugar de Cereixal, onde se refuxiou.
Tras recibir o aviso, unha patrulla da Garda Civil desprazouse ao lugar e adoptou as medidas necesarias para evitar que o animal sufrise danos ou provocase situacións de risco para a circulación. Finalmente, os axentes conseguiron capturalo de forma segura. Unha vez comprobado que o corzo se atopaba en bo estado, procederon ao seu traslado e posterior liberación nunha zona de monte adecuada para o seu hábitat natural. Deste xeito, o animal foi afastado das vías de comunicación e liberado nun contorno máis seguro, co obxectivo de garantir a súa protección e evitar novos riscos tanto para el como para os condutores.
