A deputada do BNG no Parlamento e viceportavoz da formación reivindicou Os Ancares como “referencia de transformación alimentaria” e instou a “apostar por revitalizar a comarca”.

Rodil acudiu este venres á XXXV Feira do Queixo do Cebreiro xunto con membros do BNG en Pedrafita do Cebreiro, onde destacou que a feira é “a proba do potencial” que posúe a comarca.

“Ancares é unha referencia da transformación alimentaria, unha boa proba é a súa IXP do queixo e do bo facer das persoas que traballan na actividade agro-gandeira, como mostran os produtos relacionados co porco ou a tenreira”, sinala.

A nacionalista incidiu tamén en que para poder contribuír a dinamizar a economía e a revitalizar de xente a zona, “é preciso seguir potenciando circuítos comerciais de proximidade e fomentar políticas en contra do abandono do rural para que a xente poida establecer a súa vida nestes lugares”.

Á mostra tamén acudiu o presidente da Deputación de Lugo, José Tomé Roca, que asistiu xunto ao alcade de Pedrafita, José Luís Raposo Magdalena.