InicioSociedadeObras de emerxencia para reparar desprendementos na estrada que une Navia con...

Obras de emerxencia para reparar desprendementos na estrada que une Navia con Becerreá

A Xunta destina máis de 300.000 euros a amañar os danos producidos polas fortes choivas nesta vía e noutra que conecta Baralla coa Pobra de San Xiao.

PUBLICADA O

- Advertisement -

A Xunta de Galicia vén de autorizar hoxe as obras de emerxencia para o sostemento de noiros de desmonte na estrada LU-722, que comunica as localidades de Becerreá e Navia de Suarna. Esta vía sufriu danos como consecuencia das fortes choivas.

Segundo recolle a declaración de emerxencia, os traballos, que xa se están a acometer, teñen por finalidade reparar os desprendementos causados polas chuvias rexistradas en novembro e decembro. Así, realizaranse rozas e levarase a cabo un saneamento do noiro. Tamén se procederá á colocación dunha rede de cable e á instalación de bulóns.

O investimento estimado pola Consellería de Infraestruturas e Mobilidade é superior aos 220.000 euros e as obras teñen un prazo de execución estimado de 3 meses.

OBRAS PARA REPARAR VÍAS EN BARALLA

Por outra banda, a Xunta tamén destinará 105.000 ás obras de reparación dos deslizamentos na estrada que une Baralla coa Pobra de San Xiao, a LU-621. As precipitacións tamén danaron a vía, polo que é preciso actuar para recuperar a integridade da plataforma.

ÚLTIMAS

A UNED de Lugo finaliza o curso cun aumento do 13% na súa matrícula

O Centro Asociado da UNED en Lugo acolleu este xoves a reunión ordinaria da...

Creado un punto de atención en Portomarín para dar asistencia básica e curas aos peregrinos

O conselleiro de Sanidade, Antonio Gómez Caamaño, destacou a colaboración entre o seu departamento...

Condenan a 8 anos ao home que matou ao seu pai cun disparo na cabeza

C.V.V., un veciño de 49 anos, aceptou este mércores declararse culpable do asasinato con...