- Advertisement -
A Garda Civil localizou este martes en Monterroso a Salvador Vázquez Méndez, de 74 anos de idade, desaparecido desde a tarde deste luns na localidade de Carral (A Coruña).
Un veciño contactou co Instituto Armado para avisar da presenza do septuaxenario, que apareceu preto dun cruzamento de camiños do concello da Ulloa contra as 11.00 horas deste martes.
Segundo o relato dos axentes que reflicte GaliciaConfidencial, o home vestía a mesma roupa que levaba o día anterior, cando desaparecera en Carral, e amosaba signos de desorientación. Inmediatamente, a Garda Civil avisou á familia para que se fixera cargo do seu benestar.
