Máis de 20.000 persoas calcúlase que poderían darse cita na tradicional Feira de Santos, que se celebra en Monterroso o vindeiro luns 1 de novembro, festividade de Todos os Santos. A alcaldesa, Rocío Seijas, mostrou a súa satisfacción por que o evento se vaia a celebrar “con total normalidade”, aínda que haberá un reforzo de seguridade.
A falta de que poida incorporarse algún “feirante máis”, son xa máis de 500 os que confirmaron a súa presenza na feira, que se celebrará desde primeira hora da mañá do próximo luns.
En canto á “avalancha” de visitantes, que se adoita repetir ano tras ano, a alcaldesa de Monterroso estima que podería alcanzarse o número de anos anteriores, que roldaba os 20.000.
Finalmente, resaltou o “volume de negocio” que se xera nun só día e, aínda que non se atreve a dar unha cifra, si que aventura a que ese volume “será moi grande, e non só son os feirantes, senón o que se xera para a vila tanto no comercio, como na hostalaría”, concluíu Rocío Seijas.
