InicioMedioambiente e PatrimonioÉxito da primeira xornada de 'rutas polo románico da provincia'

Éxito da primeira xornada de ‘rutas polo románico da provincia’

A Deputación de Lugo organizou percorridos este pasado sábado, 7 de maio, polos concellos de Antas de Ulla, Lugo, Guntín Chantada, Palas de Rei e Monterroso con motivo do Día da Transrománica. Hoxe domingo as visitas será por Taboada, Pantón e O Saviñao

PUBLICADA O

- Advertisement -

A Deputada de Réxime Interior, Promoción do Territorio e Turismo, Pilar García Porto, celebrou a boa acollida de público que tiveron as catro primeiras rutas gratuítas organizadas pola Deputación de Lugo con motivo do Día da Transrománica, que se conmemora o 9 de maio. Os participantes nas actividades do sábado coñeceron, da man de guías oficiais de turismo, o patrimonio románico dos concellos Antas de Ulla, Lugo e Guntín, Chantada, Palas de Rei e Monterroso.

“Esta é a primeira xornada pero as inscricións indican que esta actividade gusta aos lucenses e mañá as visitas a Taboada, Pantón e O Saviñao son tamén un exemplo desta afirmación”, subliñou García Porto, quen lembrou que con esta iniciativa a Deputación busca promocionar o patrimonio románico da provincia, contribuíndo desta forma a “apoiar o sector do turismo, a hostalería e o comercio, e a seguir consolidando un modelo de turismo de calidade e sostible con capacidade para atraer visitantes durante todo o ano, e xerar actividade económica e emprego, sobre todo no rural”.

MÁIS VISITAS PARA O 9, 14 E 15 DE MAIO

As actividades continúan o luns cunha visita á Catedral de Lugo e á Cidade Medieval, que ten as prazas esgotadas, e a vindeira fin de semana, os días 14 e 15 de maio, levaranse a cabo rutas en Sober, Monforte de Lemos, O Courel, Meira, Portomarín, Paradela, Foz, Sarria e Viveiro, lembrou a Deputada.

As inscricións para as actividades aínda dispoñibles poden facerse na web http://inscricions.deputacionlugo.org ata dous días antes das actividades ou ata completar aforo. Para máis información, as persoas interesadas poden chamar aos teléfonos 982.260.011 e 982.260.234, ou dirixirse ao correo electrónico romanico@deputacionlugo.org

RUTA RECOÑECIDA CO SELO DE ‘ITINERARIO DO CONSELLO DE EUROPA’

A Ruta Transrománica na que ingresou a Deputación de Lugo está recoñecida oficialmente co selo de Itinerario Cultural do Consello de Europa e trátase dunha das principais rutas culturais paneuropeas. Está integrada por rexións de 9 países da Unión Europea -Austria, Alemaña, Francia, Italia, Romanía, Portugal, Serbia, Eslovaquia e España- e aglutina un conxunto de monumentos románicos, moitos deles declarados Patrimonio da Humanidade pola UNESCO.

ÚLTIMAS

Ulloa Viva traslada aos grupos do Congreso a oposición ao proxecto de Altri

Unha delegación da Plataforma Ulloa Viva desprazouse este martes a Madrid para visitar o...

O BNG pide á Xunta que dote ao PAC de Lugo de persoal suficiente

A viceportavoz parlamentaria do BNG e deputada pola provincia de Lugo, Olalla Rodil, reclamou á Xunta que dote...

Baralla, epicentro de tres pequenos terremotos en pouco máis de dúas horas

O municipio de Baralla, en Lugo, foi epicentro de tres movementos sísmicos, rexistrados en pouco...

Medio centenar de produtores da Ulloa súmanse a un manifesto contra a instalación de Altri

Uns 50 produtores e empresarios da comarca da Ulloa e arredores sumáronse este martes...