InicioA UlloaAntas de UllaAntas de Ulla acollerá a fundación dun partido contra o baleirado do...

Antas de Ulla acollerá a fundación dun partido contra o baleirado do rural galego

A Plataforma Interior Galego Vivo convoca unha asemblea fundacional para o vindeiro mes de maio.

PUBLICADA O

Novos movementos veciñais contra o baleirado do rural galego. A coordinadora da Plataforma Interior Galego Vivo vén de informar dunha reunión semipresencial sostida en Sober o pasado sábado 22 de xaneiro na que se acordou, entre outras cuestións, convocar a Vª Asemblea do colectivo para o mes de maio en Antas de Ulla, á que están chamadas a participar todas as persoas, asociacións e candidaturas que integran IGV e aquelas que concorden cos seus principios.
Segundo destacan dende a plataforma, a asemblea servirá para decidir o programa básico, partindo dos documentos xa traballados na Asemblea do Courel, en defensa da vida digna no interior galego, e darase forma legal á Plataforma, iniciando, ademais, o traballo cara as eleccións municipais 2023, ás que prevén confluír como plataforma política.
“Entre as temáticas que se abordarán nos vindeiros meses especificamente estarán a
ausencia de políticas públicas de vivenda, que xa provoca falta de oferta de alugueiro
para mocidade que quere vivir no rural, a necesidade dun plan de mobilidade que conecte as parroquias rurais coas vilas, máis aló da mobilidade asociada ao turismo, ou o desenvolvemento dunha proposta de fiscalidade específica para o rural, que permita fixar poboación e combater as desigualdades”, explican dende a plataforma, que inciden tamén en que continuarán coa denuncia “das carencias de Atención Primaria e Pediatría no interior” da Comunidade.
Entre as persoas participantes, en presenza ou telematicamente, estiveron concelleiras e
concelleiros de Por Chantada, Alternativa Veciñal de Antas de Ulla, Courel Vivo,
Agroma Sober, Xuntos por Chandrexa e Xuntos por Laza, grupos que, segundo destacan, xa teñen activas liñas de traballo de cara as Eleccións Locais de 2023. Esta será a base dun movemento que pretende configurarse de cara ás vindeiros municipais  apoiado tamén por movementos veciñais diversos, como comunidades de montes, asociacións feministas, movementos sociais e plataformas en defensa do ferrocarril e contra os proxectos eólicos invasivos.

ÚLTIMAS

Obradoiros de coiro, cerámica e teares para celebrar os ‘Días Europeos da Artesanía’

A Vicepresidencia da Deputación de Lugo, a través da área de Artesanía, súmase á...

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...

Bombeiros dá por extinguido o incendio no polígono de O Ceao e a Policía Científica inicia a súa investigación

Bombeiros de Lugo deu por extinguido este mércores o incendio que calcinou na xornada...