A área sanitaria de Lugo sumou na última xornada 17 novos positivos de coronavirus, uns nove menos ca o día anterior. Ao tempo, redúcese o total de casos activos, aínda que moi lixeiramente: son 369 (-2).

Segundo datos ofrecidos polo Servizo Galego de Saúde este luns 21 de decembro, os hospitais da provincia manteñen vinte persoas ingresadas. Delas, o HULA atende seis na UCI e dez en planta; o da Mariña, tres; e o de Monforte, unha.

Por outra banda, o Sergas refire un total de 141 vítimas mortais dende o inicio da pandemia, pero neste cómputo non recolle os dous maiores usuarios de residencias que finaron en Santiago. Así pois, serían 143 falecementos nesta área sanitaria.

Ademais, ata o momento contabilízanse 6.286 persoas curadas e 118.424 PCR realizadas.