InicioPolíticaElena Candia acompaña á Garda Real en Lugo no seu segundo día...

Elena Candia acompaña á Garda Real en Lugo no seu segundo día como alcaldesa

A nova rexedora asiste aos actos militares mentres preto de 300 persoas se manifestan pola retirada da bandeira de Palestina do centro cultural O Vello Cárcere

PUBLICADA O

- Advertisement -

Elena Candia participou este sábado nos actos organizados pola Garda Real na cidade de Lugo, na súa segunda xornada como máxima responsable do goberno municipal. A nova alcaldesa, que chegou ao cargo tras a moción de censura consumada o pasado xoves, estivo acompañada por varios concelleiros e concelleiras do seu equipo: Cristina Sanz, Antonio Ameijide, Silvia Colmenero, Agustín Gallego, Aurora Goás e Gustavo Díaz.

A xornada serviu como preámbulo á Xura de Bandeira para civís prevista para este domingo ás 12.00 horas. A programación do día incluíu un desfile no que tomaron parte a Sección de Movementos Florados e a Unidade de Música da Garda Real, que percorreron as rúas da cidade desde a Praza da Deputación Provincial ata a Praza de Santa María, realizando paradas ao longo do traxecto para executar evolucións e mostrar destrezas co fusil. Ao remate do percorrido, celebrouse unha ofrenda floral á Virxe dos Ollos Grandes na Catedral de Santa María de Lugo.

PROTESTA POLA BANDEIRA DE PALESTINA

En paralelo ao desenvolvemento destes actos institucionais, a xornada tamén estivo marcada por unha concentración de protesta que reuniu a preto de 300 persoas nas rúas de Lugo. Os manifestantes expresaron o seu rexeitamento á decisión de Candia de retirar a bandeira de Palestina que estaba exposta no balcón do centro cultural O Vello Cárcere. Esa decisión produciuse na mesma tarde do xoves, coincidindo coa aprobación da moción de censura que a converteu en alcaldesa.

+ posts

ÚLTIMAS

“Esta é a violencia laboral que vivimos”: a CIG denuncia presións, ameazas e problemas de saúde na banca galega

A perda de dereitos laborais, o descenso dos salarios e as presións para acadar...

Besteiro acusa a PP e Vox de “ter présa” por esquecer os asasinatos franquistas e pide en Lugo “memoria, xustiza e dignidade”

O secretario xeral do PSdeG, José Ramón Gómez Besteiro, reivindicou este xoves en Lugo...

A Deputación de Lugo renova a xestión de tres espazos turísticos e destina preto de 400.000 euros a estradas

A Deputación de Lugo deu luz verde á adxudicación da xestión de tres instalacións...

A Xunta dá o ‘ok’ ambiental á ampliación dunha granxa avícola en Friol ata case 77.000 pitos

A Xunta deu o visto e prace ambiental á ampliación dunha explotación avícola, ata...