Un home faleceu este xoves tras ser esmagado por unha vaca na parroquia do Burgo, en Muras. Segundo informa o 112, o suceso tivo lugar ás 19.00 horas, cando un familiar chamou á Central de Emerxencias e alertou do sucedido.
Deste xeito, activouse un operativo no que participaron os Servizos de Urxencias Sanitarias de Galicia-061, que enviaron o helicóptero medicalizado con base en Santiago ao lugar dos feitos, e a Garda Civil.
