O oito lucenses detidos no Corgo polas protestas durante a celebración da Vuelta compareceron esta mañá de xoves no xulgado de instrución, acusados de desordes públicas.
O oito estaban citados para declarar ás 11.00 horas e foron entrando un a un ante a xuíza substituta do Xulgado de Instrución número 2, pero prevamiente, ás 10.30, realizaron unha concentración pacífica ante o edificio da rúa Armando Durán, apoiados polo grupo activista Lugo x Palestina.
Neste acto estiveron acompañados doutros colectivos afíns, que mostraron a súa solidariedade contra os 8 detidos cunha pancarta e bandeiras palestinas e aplaudiron a súa entrada no Xulgado como mostra de apoio.
“Houbo máis xente da que esperabamos e foi unha concentración moi familiar, na que moita xente se achegou a nós para falar”, sinalo Simón García, portavoz do grupo de activistas investigados.
O grupo foi detido en setembro por interromper a etapa da Volta ciclista a España ao seu paso polo Corgo, na que se protestaba pola presenza do equipo israelí na proba deportiva, debido á situación que se vivía en Palestina.
Simón García explicou que na concentración e ante o xuíz defenderon “o seu dereito a manifestarse pacificamente” e tamén quixeron destacar a “presión desmedida á hora das detencións e as ameazas de multas de ata 5.000 euros”. O oito detidos, que estiveron detidos na Comandancia da Garda Civil, foron soltados ao día seguinte dos feitos e hoxe pasaron a declarar sobre o sucedido.
