InicioSucesosDeteñen os presuntos autores dun roubo de cobre e ferramentas nas obras...

Deteñen os presuntos autores dun roubo de cobre e ferramentas nas obras da A-6

A Garda Civil detivo a tres veciños de Lugo, de 27, 31 e 42 anos, como supostos autores do roubo de cobre e ferramentas nas obras dos túneles da A-6.

PUBLICADA O

- Advertisement -

A Garda Civil detivo a tres veciños de Lugo, de 27, 31 e 42 anos, como supostos autores do roubo de cobre e ferramentas nas obras dos túneles da A-6.

Segundo informa, ademais dun delito de roubo con forza, impútaselles outro continuado de furto e un terceiro de pertenza a grupo criminal. En concreto, considérase que se apropiaron ilicitamente de 4.500 metros de cable de cobre e de numerosas ferramentas.

Os feitos tiveron lugar entre os meses de maio e xullo cando os presuntos autores subtraeron, ata en cinco ocasións, cableado de cobre procedente das obras de mellora que se están realizando nos túneles da A-6, ao seu paso polas localidades lucenses de Piedrafita, Doncos e As Nogais.

Os detidos, explica a Benemérita, vendían o material subtraído polo método do goteo en establecementos de tratamento de residuos fóra da provincia de Lugo, utilizando para o seu traslado diferentes vehículos e a terceiras persoas, “todo iso coa finalidade de dificultar a investigación policial e eludir a acción da xustiza”.

Durante o operativo da Garda Civil, interveuse unha furgoneta cargada con 900 quilogramos de cobre e parte das ferramentas subtraídas cando regresaban supostamente de cometer un ilícito. As dilixencias policiais foron postas a disposición do Xulgado de Primeira Instancia e Instrución número 1 de Becerrea.

+ posts

ÚLTIMAS

“Esta é a violencia laboral que vivimos”: a CIG denuncia presións, ameazas e problemas de saúde na banca galega

A perda de dereitos laborais, o descenso dos salarios e as presións para acadar...

Besteiro acusa a PP e Vox de “ter présa” por esquecer os asasinatos franquistas e pide en Lugo “memoria, xustiza e dignidade”

O secretario xeral do PSdeG, José Ramón Gómez Besteiro, reivindicou este xoves en Lugo...

A Deputación de Lugo renova a xestión de tres espazos turísticos e destina preto de 400.000 euros a estradas

A Deputación de Lugo deu luz verde á adxudicación da xestión de tres instalacións...

A Xunta dá o ‘ok’ ambiental á ampliación dunha granxa avícola en Friol ata case 77.000 pitos

A Xunta deu o visto e prace ambiental á ampliación dunha explotación avícola, ata...