A edil de Cultura, Turismo e Promoción de Lingua do Concello de Lugo, Maite Ferreiro, destacou que o Arde Lucus consolida á coidade como “referente turístico”. A concelleira sinalou que o número de turistas que se achegou a Lugo estes días mostra que a cidade “xa está consolidada como un destino estratéxico á hora de visitar Galicia”, pero incidiu en que seguirán traballando para continuar mellorando os datos e garantindo a mellor atención aos visitantes.

Maite Ferreiro puxo en valor que, nos últimos anos, apostan por un turismo de calidade e desestacionalizado, que permite a convivencia dos visitantes coas persoas que residen en Lugo. A concelleira de Turismo afirmou que “os datos demostran que esta campaña está a dar os seus froitos” e vese como “Lugo conta cuns datos positivos“. Así, explicou que as diferentes instalacións recibiron en total 3.212, destacando a importancia do punto de información da Oficina Municipal de Turismo instalado na Praza Maior.