InicioSucesosUn coche queda encaixado contra un local en Lugo, o condutor dá...

Un coche queda encaixado contra un local en Lugo, o condutor dá positivo en alcoholemia

O home viaxaba acompañado por unha muller, que necesitou atención médica no lugar por parte dos servizos sanitarios do 061, aínda que non foi necesario o seu traslado a un centro hospitalario

PUBLICADA O

- Advertisement -

Un accidente na rúa Xulia Minguillón de Lugo saldouse na madrugada deste venres cunha persoa ferida despois de que un automóbil acabara encaixado contra un local.

A Policía Local foi alertada a través do 112 deste accidente de tráfico, que tivo lugar nesta rúa do barrio da Milagrosa alertando aos veciños.

Segundo as primeiras investigacións, o condutor do turismo implicado perdeu o control do mesmo durante unha manobra presuntamente “inadecuada”, chocando violentamente contra o inmoble número 3 da citada vía. O coche quedou encaixado no interior dun local situado na planta baixa do edificio.

Deste xeito, os axentes desprazados ao lugar identificaron o condutor, ao que someteron á proba de alcoholemia, na que arroxou un resultado positivo de 0,43 mg/l de alcol en aire expirado.

O home viaxaba acompañado por unha muller, que necesitou atención médica no lugar por parte dos servizos sanitarios do 061, aínda que non foi necesario o seu traslado a un centro hospitalario.

Debido á gravidade da manobra e ao resultado positivo en alcol, a Policía Local iniciou dilixencias por un presunto delito contra a seguridade viaria, que serán remitidas proximamente á autoridade xudicial.

+ posts

ÚLTIMAS

“Esta é a violencia laboral que vivimos”: a CIG denuncia presións, ameazas e problemas de saúde na banca galega

A perda de dereitos laborais, o descenso dos salarios e as presións para acadar...

Besteiro acusa a PP e Vox de “ter présa” por esquecer os asasinatos franquistas e pide en Lugo “memoria, xustiza e dignidade”

O secretario xeral do PSdeG, José Ramón Gómez Besteiro, reivindicou este xoves en Lugo...

A Deputación de Lugo renova a xestión de tres espazos turísticos e destina preto de 400.000 euros a estradas

A Deputación de Lugo deu luz verde á adxudicación da xestión de tres instalacións...

A Xunta dá o ‘ok’ ambiental á ampliación dunha granxa avícola en Friol ata case 77.000 pitos

A Xunta deu o visto e prace ambiental á ampliación dunha explotación avícola, ata...