Axentes da Policía Local de Lugo detiveron a pasada madrugada a tres persoas presuntamente implicadas nos delitos de violencia doméstica e de xénero e nunha tentativa roubo con forza.
Segundo informaron fontes policiais, a primeira intervención tivo lugar sobre as 1,00 horas da madrugada, na zona noroeste da cidade. A Policía acudiu a un aviso por unha pelexa entre unha parella na vía pública.
Os axentes identificaron aos implicados, que manifestaron versións contraditorias sobre o sucedido. Ante as evidencias e os testemuños recabanados, os policías procederon á detención de ambos: ao home por un suposto delito de violencia de xénero, e á muller por un presunto delito de violencia doméstica.
A segunda actuación tivo lugar sobre as 4,20 horas, cando un veciño alertou de que intrusos entrara na súa casa. Os propietarios da vivenda lograran reter a un dos delincuentes, pero un segundo lograra fuxir.
Á chegada dos axentes, comprobaron que os individuos accederan á vivenda escalando un muro e rompendo unha xanela. Os axentes detiveron ao sospeitoso que estaba retido, e que levaba encima un teléfono móbil do que non puido acreditar a súa propiedade.
