Un coche no que viaxaban catro persoas, unha condutora e tres menores de idade, sufriu unha saída de vía na mañá deste luns no termo municipal de Vilalba. En concreto, segundo informan fontes do 112 Galicia e dos servizos de emerxencias, ocorreu ao redor das 9.00 horas na LU-120, na zona de Rioaveso. Ás 9.05 horas, un particular chamaba ao número de emerxencias para informar de que non había persoas atrapadas, pero que si podían precisar asistencia médica. Posteriormente, unha ambulancia do 061 trasladou á condutora, ferida leve, ata un punto de atención continuada (PAC).