- Advertisement -
A Garda Civil detivo na localidade lucense de Vilalba a un veciño de Lugo, de 47 anos de idade, como suposto autor dun delito grave de lesións. Os feitos ocorreron na madrugada do pasado día 5 de xaneiro, cando, supostamente, a persoa denunciante estaba no exterior dun establecemento de hostalaría da localidade e recibiu o impacto dunha botella de cristal na cabeza, que lle produciu un corte profundo. A vítima foi evacuada en principio ao servizo sanitario de atención primaria, pero dadas as súas lesións foi derivado ao HULA. A persoa detida e as dilixencias policiais foron postas a disposición xudicial.
