InicioLugo e contornaOs senadores do PP por Lugo defenden as 159 iniciativas presentadas en...

Os senadores do PP por Lugo defenden as 159 iniciativas presentadas en 2024, co sector rural ou Alcoa no foco

Reivindicaron a mellora das infraestruturas ou o apoio a sectores como o gandeiro, na súa loita contra o lobo, ou a rebaixa do IVE para barbarías e traballadores do mar

PUBLICADA O

- Advertisement -

Os senadores do Partido Popular pola provincia de Lugo José Manuel Barreiro, José Manuel Balseiro e Juan Serrano mantiveron unha reunión coa presidenta do PP de Lugo, Elena Candia, para facer un balance da actividade desenvolvida durante o ano pasado, no que presentaron un total de 159 iniciativas no Senado, entre preguntas con resposta escrita, en Pleno ou en Comisión, mocións en Pleno ou en Comisión e interpelacións.

Ademais, no último semestre do ano, contabilizaron unha vintena de reunións con colectivos –alcaldes e portavoces, gandeiros, comité de Alcoa e empresarios–, visitas e outras accións en distintos concellos –Abadín, A Pastoriza, Cervo, Foz, Lourenzá, Palas de Rei, Pedrafita, Rábade, Sarria e O Valadouro–, ademais da propia cidade de Lugo.

Centraron a súa mirada os senadores na reivindicación da mellora das infraestruturas -tanto en autovías, estradas nacionais e a súa iluminación, como na liña ferroviaria, a alta velocidade ou o Corredor Atlántico- “fronte á discriminación que sofre a nosa provincia por parte do Goberno de Sánchez”. Preocupa aos senadores lucenses a situación industrial, en participar a de Alcoa e Altri.

Por temas, os senadores diferenciaron tres bloques: asuntos relacionados coa provincia, temas relacións coa cidade de Lugo ou asuntos de interese xeral para os españois. E entre estes temas tamén destacaron a defensa do gandeiro ante “a protección do lobo e a desprotección da gandaría” ou aos empresarios que precisan máis chan industrial a prezos competitivos, a rebaixa do IVE en sectores do mar e as barbarías, entre outros.

A presidenta Candia destacou o “compromiso” do PP de Lugo cos lucenses, “a coordinación do traballo e a implicación “cos asuntos que interesan aos lucenses e que afectan o noso territorio”.

+ posts

ÚLTIMAS

“Esta é a violencia laboral que vivimos”: a CIG denuncia presións, ameazas e problemas de saúde na banca galega

A perda de dereitos laborais, o descenso dos salarios e as presións para acadar...

Besteiro acusa a PP e Vox de “ter présa” por esquecer os asasinatos franquistas e pide en Lugo “memoria, xustiza e dignidade”

O secretario xeral do PSdeG, José Ramón Gómez Besteiro, reivindicou este xoves en Lugo...

A Deputación de Lugo renova a xestión de tres espazos turísticos e destina preto de 400.000 euros a estradas

A Deputación de Lugo deu luz verde á adxudicación da xestión de tres instalacións...

A Xunta dá o ‘ok’ ambiental á ampliación dunha granxa avícola en Friol ata case 77.000 pitos

A Xunta deu o visto e prace ambiental á ampliación dunha explotación avícola, ata...