InicioLugo e contornaLugoA alcaldesa de Lugo reclama á Xunta "desbloquear" a reforma do centro...

A alcaldesa de Lugo reclama á Xunta “desbloquear” a reforma do centro de saúde da Milagrosa

"Estamos a falar dun punto de Atención Primaria que atende a miles de lucenses e que neste momento conta cunhas instalacións que non cumpren os estándares do século XXI", remarcou Paula Alvarellos

PUBLICADA O

- Advertisement -

A alcaldesa de Lugo, Paula Alvarellos, anunciou que o seu goberno instará formalmente á Xunta de Galicia a “desbloquear” a reforma do centro de saúde da Milagrosa e concretar “de forma inmediata” os prazos para a licitación do proxecto, a súa redacción e a posterior licitación e execución da obra.

A rexedora mostrou a súa preocupación e o seu malestar “polo atraso que acumula o proxecto, que aínda non foi licitado acumulando case un ano de atraso desde que a Consellería de Sanidade comprometeu a súa mellora o pasado mes de marzo”.

“Estamos a falar dun punto de Atención Primaria que atende a miles de lucenses e que neste momento conta cunhas instalacións que non cumpren os estándares do século XXI”, remarcou.

Ademais, sostivo que ” principios deste ano” a Xunta encomendou á Axencia Galega de Infraestruturas realizar o proxecto de execución da reforma do centro de saúde da Milagrosa. “Agora, a escasos días para que termine o ano, publican que non ten capacidade para levalo a cabo e devolven o encargo ao Sergas para que sexa o propio Sergas quen faga o proxecto”, aseverou.

+ posts

ÚLTIMAS

“Esta é a violencia laboral que vivimos”: a CIG denuncia presións, ameazas e problemas de saúde na banca galega

A perda de dereitos laborais, o descenso dos salarios e as presións para acadar...

Besteiro acusa a PP e Vox de “ter présa” por esquecer os asasinatos franquistas e pide en Lugo “memoria, xustiza e dignidade”

O secretario xeral do PSdeG, José Ramón Gómez Besteiro, reivindicou este xoves en Lugo...

A Deputación de Lugo renova a xestión de tres espazos turísticos e destina preto de 400.000 euros a estradas

A Deputación de Lugo deu luz verde á adxudicación da xestión de tres instalacións...

A Xunta dá o ‘ok’ ambiental á ampliación dunha granxa avícola en Friol ata case 77.000 pitos

A Xunta deu o visto e prace ambiental á ampliación dunha explotación avícola, ata...