InicioSucesosInvestigada por atentado contra a autoridade unha muller que agrediu a un...

Investigada por atentado contra a autoridade unha muller que agrediu a un axente en Lugo

Tamén mantivo unha actitude agresiva cando foi trasladada a un centro hospitalario

PUBLICADA O

- Advertisement -

Unha muller permanece investigada por un delito de atentado á autoridade tras dar unha puñada a un axente da Policía Local en Lugo, no marco dunha actuación policial na rúa Tino Grandío. A mesma actitude agresiva mantivo cando foi trasladada a un centro hospitalario.

Os feitos, informa a Policía Local no seu parte de incidencias, producíronse sobre as 19.25 horas do xoves. Á súa chegada, había unha muller ebria, que inxerira pastillas e que se atopaba moi alterada e estaba en compañía de dous homes.

Unha vez no lugar, os axentes proceden á identificación de tres persoas. Mentres os policías realizaban indagacións para pescudar o que podía ocorrer, a muller tenta ausentarse do lugar, indicándolle unha axente que debería esperar á finalización das xestións policiais, momento no que lle deu unha puñada na cara.

Por iso, tivo que ser reducida e traslada á PAC de referencia, onde continuaba coa súa actitude agresiva, tendo que ser suxeitada polos policías xa que golpeaba coa súa cabeza contra as mesas. O persoal sanitario determinou que era necesario o seu traslado ao hospital, sendo trasladada en ambulancia con custodia policial.

Unha vez no HULA, a muller continúa coa mesma actitude, acometendo contra as persoas presentes ata que finalmente puido ser sedada. Posteriormente a muller foi posta en liberdade, á espera do que determine a autoridade xudicial, unha vez recibidas as dilixencias que se instrúen por un presunto delito de atentado contra axente da autoridade.

+ posts

ÚLTIMAS

“Esta é a violencia laboral que vivimos”: a CIG denuncia presións, ameazas e problemas de saúde na banca galega

A perda de dereitos laborais, o descenso dos salarios e as presións para acadar...

Besteiro acusa a PP e Vox de “ter présa” por esquecer os asasinatos franquistas e pide en Lugo “memoria, xustiza e dignidade”

O secretario xeral do PSdeG, José Ramón Gómez Besteiro, reivindicou este xoves en Lugo...

A Deputación de Lugo renova a xestión de tres espazos turísticos e destina preto de 400.000 euros a estradas

A Deputación de Lugo deu luz verde á adxudicación da xestión de tres instalacións...

A Xunta dá o ‘ok’ ambiental á ampliación dunha granxa avícola en Friol ata case 77.000 pitos

A Xunta deu o visto e prace ambiental á ampliación dunha explotación avícola, ata...