A Policía Nacional detivo a dous homes e a unha muller vinculadas a un clan familiar que se dedicaba á venda polo miúdo de cocaína na cidade de Lugo. Segundo informou o corpo, durante a investigación e nos rexistros domiciliarios incautáronse máis de 230 doses, así como sustancia de corte suficiente para triplicar a droga unha vez na rúa.
Así mesmo, interceptáronse balanzas de precisión, material para a preparación da droga para a súa venda polo miúdo na rúa, teléfonos móbiles, un vehículo e máis de 2.000 euros provenientes da venda. Os detidos, unha vez tomada declaración en dependencia policiais, foron postos a disposición da autoridade xudicial, que decretou o ingreso en prisión dun dos homes detidos, como xefe do clan.
Con esta operación, a Policía Nacional de Lugo dá por desarticulado un dos puntos de venda de drogas máis importantes da cidade.
