Un home faleceu e outro resultou ferido grave na tarde deste luns ao chocar un turismo e unha furgoneta na LU-862, no quilómetro 76, á altura de San Román de Vale, no Vicedo. O suceso tivo lugar minutos antes das 17:30 horas, momento no que un particular indicou ao CIAE 112 Galicia de que había un accidente con dous vehículos implicados, un deles envorcados. Ademais, explicou que había persoas atrapadas en ambos os coches.
Os bombeiros de Viveiro tiveron que facer uso do material de excarceración para liberar ao ferido, que quedou atrapado no interior da furgoneta. Con todo, a persoa falecida e o ocupante do turismo, segundo indicado, non necesitou ser excarcerada. Pola súa banda, o servizo de Urxencias Sanitarias de Galcia-061 enviou ao momento un helicóptero, así como dúas ambulancias asistenciais con persoal sanitario da PAC de Viveiro.
No punto foron atendidas tres persoas, o home que resultou falecido, outro que foi dado de alta e unha terceira persoa que foi trasladada en helicóptero ao Hospital Lucus Augusti. Ao lugar acudiron os bombeiros de Viveiro, a Garda Civil, así como efectivos de Protección Civil e persoal do servizo de mantemento da estrada.
