A Garda Civil de Lugo alertou dun delito de furto co método do abrazo cariñoso tras o roubo dunha cadea de ouro a unha octoxenaria na parroquia de Orosa, en Palas de Rei. Así o explica a Benemérita que sinala que a vítima, de 88 anos, denunciou que na tarde do xoves cando se atopaba sentada nun banco que ten no exterior do seu domicilio achegóuselle unha muller.
Tras conversar un intre, esta abandonou o lugar e, momentos máis tarde, a vítima deuse conta que lle falta a cadea de ouro que levaba ao pescozo.
A Garda Civil explica que se trata dun método mediante o cal os estafadores abordan a persoas, na súa maioría de avanzada idade, en plena rúa e de forma próxima e mesmo cariñosa para facerlles algunha consulta ou ben un ofrecemento.
“É entón cando aproveitan o contacto físico que se produce durante a despedida para roubarlles algún obxecto de valor que este a o seu alcance”. Agora, a Benemérita continua coa investigación para esclarecer os feitos, identificar á autora e recuperar o obxecto subtraído.
