A Garda Civil desarticulou un grupo criminal composto por cinco persoas que se dedicaban a roubar en establecementos comerciais e en vivendas habitadas en Lugo. En concreto, no marco da terceira fase do operativo, os axentes detiveron a tres persoas acusadas de roubo con forza en establecementos comerciais e un delito de furto en vivenda habitada.
A banda organizada estaba composta por un total de cinco persoas, con idades comprendidas entre os 22 e os 47 anos, fincadas na capital lucense. Centraban a súa actividade delituosa nas localidades de Portomarín, Paradela, Guntin e Palas de Rei.
Ao grupo incautáronselle nos meses de verán do pasado ano xoias, diversa maquinaria, tabaco e diñeiro en efectivo procedente dos roubos. Dous dos integrantes desta banda atópanse en prisión e, coa detención do tres membros restantes, dáse por desarticulado este grupo criminal.
