A Policía Local de Lugo informou á Xunta tras localizar a un menor de 6 anos na casa dos seus avós e comprobar que o neno non estaba escolarizado en ningún centro.

Segundo informou, na mañá deste xoves, uns veciños chamaron ao 092 tras escoitar berros nunha vivenda. Ata o lugar desprazáronse efectivos da Policía Local, que puideron atribuír os berros ao tropezo cun vaso que caera ao chan e rompeu.

Os axentes preguntaron por que o neno non estaba no colexio, ao que os seus avós contestaron que “dubidaban entre dous centros educativos” da cidade.

Despois de comprobar que o neno non está matriculado en ningún dos dous centros, os axentes deron parte ao servizo de Menores da Xunta e aos Servizos Sociais.