Unha muller resultou ferida este xoves ao chocar o coche que conducía contra unha furgoneta no termo municipal de Guntín, segundo informaron Garda Civil e 112 Galicia. O sinistro, que consistiu nun choque frontolateral, rexistrouse sobre as 8,45 horas da mañá, no punto quilométrico 16,750 da estrada N-540, que une Lugo e Ourense.
Como consecuencia do choque, a condutora do turismo resultou ferida e foi evacuada en ambulancia ao Hospital Lucus Augusti, informou o 061. O 112 Galicia confirmou que, ademais dos efectivos de Urxencias Sanitarias e da Garda Civil de Tráfico, foron alertados os bombeiros e Ges de Chantada, aínda que finalmente non foi necesaria a súa intervención.
