O servizo de extinción apagou un incendio nunha vivenda no municipio lucense de Begonte que foi provocado por un raio na tarde do sábado.
Segundo informou o 112, os feitos ocorreron no lugar da Ponche, en Uriz, minutos despois das 16,00 horas e foi o particular, quen asegurou que fose causado por un raio, o que contactou con emerxencias.
Así, na noite do sábado, tras finalizar a súa intervención, os bombeiros comunicaron a relación de danos materiais causados polo lume. Do incendio non houbo que lamentar danos persoais.
Desta forma, a central de emerxencias sinalou que ardeu o garaxe, no que había catro motos estacionadas e diversos recipientes de combustible, e tres cuartos na planta superior da vivenda. Con todo, o nivel inferior tamén quedou afectado.
No operativo participaron Urxencias Sanitarias, de modo preventivo, os Bombeiros de Vilalba, Lugo e Sarria, o GES de Friol-Pas e a Garda Civil. Tamén colaboraron os medios do distrito forestal da zona.
