O Ministerio de Fomento iniciará este xoves a inspección xeral do estado da ponte branca de Lugo. Os traballos complementarán os realizados hai dous meses na infraestrutura sobre o río Miño, tarefa para a que contará co apoio de aeronaves non tripuladas, drons, para a observación dos elementos non accesibles.
Os labores de inspección foron postergados polo Goberno saínte, atendendo a un conflito de competencias co Concello de Lugo, que deixara a ponte branca sen o mantemento indicado pola empresa construtora.
Fomento trasladou ao grupo parlamentar de En Marea que a conservación segue a ser potestade do goberno local. Aliás, o departamento que dirixe Jose Luis Ábalos abre a porta a facerse cargo provisionalmente “por responsabilidade e a efectos de garantir a seguridade”.
En datas recentes, os técnicos do Ministerio estudiaron solucións para repor os elementos inestables retirados na rotonda de acceso á ponte branca, logo do desprendemento de varias pezas estéticas nesta estrutura diferenciada. Parte do cascallo caera sobre o paseo do Miño.
