- Advertisement -
A deputada do BNG Olalla Rodil informou a través do seu perfil de Twitter de que foi nai e tivo unha nena que se chama Adriana.
“Benvida, filla!”, trasladou a parlamentaria de Ribeira de Piquín, quen recibiu numerosas felicitacións de numerosos compañeiros do BNG e tamén doutras formacións políticas, como os populares José Manuel Balseiro e Elena Candia, ou as socialistas Noa Díaz e Mercedes Rosón.
“Estamos ben e inmensamente felices. Grazas ao persoal do Hospital Universitario Lucus Augusti (HULA) e sobre todo ás matronas, Silvia e Paula, que nos atenderon no parto e a toda a xente que nos coida estes días”, transmitiu.
“A sanidade pública merece que pelemos moito por ela, e por ti tamén Adriana”, conclúe o seu tuit.
