O presidente da Deputación de Lugo, José Tomé, considerou “urxente” cambiar o goberno da Xunta para evitar recortes no rural. Así se pronunciou este mércores en declaracións aos medios antes de participar no pleno da Deputación de Lugo á que os socialistas levan iniciativas sobre educación e sanidade.

Na súa intervención, Tomé asegurou que hai colexios nos que “se recortan os profesores” polo que “recortan a posibilidade” de que os nenos “non teñan que estar tan agrupados”, causándolles “máis dificultade” para estudar.

“É urxente cambiar a Xunta, poden convocar eleccións rapidamente, porque mentres non haxa cambio de goberno, está claro que os servizos públicos no rural non van chegar”, afirmou.