- Advertisement -
Dúas veciñas de Cospeito e Vilalba foron detidas pola Garda Civil por manter baixo chave nunha vivenda durante 50 días a unha anciá. Unha delas roubou 30.000 euros da conta bancaria da vítima. Nun comunicado, a Garda Civli informa que se lles imputan os delitos de detención ilegal, estafa, apropiación indebida, omisión do deber de socorro, así como abandono de familia, menores ou persoas con discapacidade necesitas de especial protección.
A investigación iniciouse o pasado mes de abril por mor dun auxilio sanitario a unha persoa de avanzada idade que se atopaba soa nunha vivenda. Estas dúas mulleres puxeron en risco a vida da anciá por inanición. As detidas foron postas a disposición xudicial a pasada semana, segundo informa a Garda Civil.
