InicioEconomíaPersoal de Capsa en Outeiro de Rei volve mobilizarse para que se...

Persoal de Capsa en Outeiro de Rei volve mobilizarse para que se aplique a revisión salarial do convenio

Este venres concentráronse nos xulgados de Lugo coincidindo co xuízo polos servizos mínimos das folgas de marzo e abril.

PUBLICADA O

- Advertisement -

O persoal de Corporación Alimentaria Peñasanta (Capsa) –Larsa e Central Leiteira Asturiana– en Outeiro de Rei (Lugo) continúa coas súas mobilizacións para esixir a aplicación da revisión salarial pactada no convenio.

O sindicato CIG informou que este venres se concentraron ante os xulgados de Lugo coincidindo coa celebración do xuízo de impugnación dos “servizos mínimos abusivos impostos pola empresa” nas folgas parciais realizadas na planta de Outeiro de Rei nos meses de marzo e abril.

Así, o sindicato detallou que á marxe do que decrete a xustiza neste caso, os traballadores “continúan loitando para que a empresa cumpra co seu propio convenio colectivo” e proceda á revisión salarial conforme ao IPC real, correspondente ao ano 2022.

Desta forma, a CIG incidiu en que “tras as exitosas folgas e mobilizacións desenvolvidas polo persoal, tras o fracaso da mediación e a negativa reiterada da compañía láctea a respectar as garantías económicas recollidas no convenio”, o comité –con representación única da CIG– iniciou a reclamación na vía xudicial, queda pendente de fixarse a data do proceso.

+ posts

ÚLTIMAS

Desaloxados varios colexios en Lugo por ameaza de bomba

A Policía Nacional levou a cabo na mañá deste mércores desaloxos en colexios galegos...

Buscan en Suíza probas da falsa médica sobre a que pesa unha orde internacional de procura

O xulgado de instancia de Lugo, sección penal, praza 2, agarda resposta das autoridades...

Frustrado un roubo nunha nave industrial en Lugo e detido un dos implicados

Axentes da Policía Nacional de Lugo detiveron un home como presunto autor dunha tentativa...

Detidas en Lugo unha nai e a súa filla por unha suposta agresión mutua

A Policía Local de Lugo detivo unha muller e a súa filla como presuntas...