Axentes da xefatura provincial da Policía Autonómica esclareceron a autoría dunha vertedura de residuos perigosos localizado o pasado xaneiro nun monte da parroquia de Bocamaos, no Concello de Lugo.
O presunto autor, informa a Xunta, xa fora denunciado con anterioridade por ter un taller dedicado á compravenda ilegal de vehículos. As investigacións da Policía Autonómica permitiron, primeiro, localizar a propietarios dos vehículos e, posteriormente, ás persoas que llos venderon.
No vertedoiro atopáronse pezas e documentación de vehículos, así como restos de envases, como latas de aceite e botes de pintura e disolventes. A documentación localizada permitiu aos axentes pescudar que se trataba de vehículos exportados de Romanía e vendidos en España.
