Un total de oito condutores foron interceptados na noite do luns, día 20, ao martes, 21, en Lugo circulando baixo os efectos do alcol. Segundo recolle o parte de incidencias, un condutor foi localizado na rúa Curros Enríquez, ao que se sumou outro na praza da Milagrosa.

Na rúa Portugal os axentes observaron tamén a circulación irregular dun coche. Ao ser detido, comprobouse que o condutor se atopaba baixo signos de embriaguez, igual que ocorreu con outro catro condutores nun dispositivo na rúa San Roque, ao que se sumou outro caso, cun condutor ao que se abriu dilixencias por delito contra a seguridade viaria. Tamén na rúa Portugal parouse ao condutor dunha motocicleta que neste caso presentaba signos de consumir baixo sustancias estupefacientes, dando positivo na proba realizada.