Un accidente con tres vehículos implicados está a provocar retencións na A-6 ao seu paso polo municipio lugués de Outeiro de Rei durante a mañá deste venres. O sinistro tivo lugar ás 11,20 horas á altura da parroquia de Robra, segundo trasladou o CIAE 112 Galicia, que recibiu o aviso dun dos involucrados no accidente.

Precisamente este condutor foi o único que tivo que ser atendido polos profesionais de Urxencias Sanitarias 061 ao presentar dores de cabeza. O tráfico viuse comprometido na zona a consecuencia da disposición sobre a estrada do tres vehículos implicados no sinistro.

Con todo, a Garda Civil de Tráfico habilitou un carril e a beiravía para facilitar a circulación, que non tivo que cortarse totalmente en ningún momento.