A Garda Civil auxiliou o xoves en Xermade (Lugo) a unha persoa de avanzada idade que se atopaba tirada na beiravía da estrada e que presentaba un forte golpe na cabeza con sangrado. Ademais, sufría perda de memoria e non sabía nin quen era nin onde se atopaba.
Ocorreu na LU-861 sobre as 14,00 horas da tarde, segundo informa o Instituto Armado. Esta persoa, que sangraba pola cabeza, non era capaz de incorporarse.
Á espera de que chegasen os servizos sanitarios para atendelo, os axentes permaneceron co ferido e improvisaron unha almofada cunha chaqueta para evitar que tentase incorporarse e que se agravasen as posibles lesións que podía presentar.
Mentres era trasladado ao centro de saúde, a Garda Civil procedeu a estacionar correctamente o vehículo da persoa. As chaves e o teléfono móbil deriváronse ao posto de Vilalba para que algún familiar ou o ferido puidese recollelos.
