A alcaldesa de Monterroso, Rocío Seijas, asegurou que o autobús que fai a liña Lugo-Vigo é moi “frecuentada” polos monterrosinos, tamén por poboación recluída e as súas familias. Así o destacou tras o accidente dun autobús desta liña, que caeu ao río Lérez o día de noiteboa no municipio de Cerdedo-Cotobade. Os servizos de emerxencias localizaron este luns o cadáver da novena pasaxeira e que deixa, así, un saldo de sete falecidos e dous sobreviventes.

“É unha liña moi frecuentada polos monterrosinos, tanto para ir a Pontevedra como a Lugo. Esa liña de Monbus ten parada en Monterroso. É unha liña moi utilizada”, constatou.

Rocío Seijas tamén remarcou en que é unha liña que “para diante da prisión de Monterroso, e é moi empregada tanto para familiares de presidiarios como para xente do cárcere que ten permiso”. “Aquí somos afortunados, porque dentro da desgraza que supón esas vítimas, de Monterroso non hai ningunha“, concluíu a rexedora.

De Lugo hai unha vítima, trátase dunha profesora, de 44 anos, que impartía clases en Lalín, Guadalupe Díaz González. Este curso daba clase de Lingua Castelá no instituto número 1 de Lalín.