A Central Sindical Independente e de Funcionarios (CSIF) Galicia denunciou este xoves que o Concello de Lugo non pagou o complemento de produtividade na nómina do mes de novembro a varios traballadores, maioritariamente mulleres, que foron pais durante este ano e que se beneficiaron das baixas correspondentes por maternidade ou paternidade.
Para CSIF, esta situación, que xa se produciu o ano pasado, é “unha clara vulneración do dereito de igualdade e a exercer a corresponsabilidade da vida persoal, familiar e laboral”. Por iso, a central sindical anunciou que recorrerá ante os tribunais en defensa destes traballadores.
Tal e como sinalou CSIF nun comunicado, esta forma de proceder por parte do Concello é “escandaloso e vergoñento e só pódese cualificar de comportamiento machista, nun goberno que, con todo, se autoproclama progresista e feminista“.
Así mesmo, a central sindical lamentou que, a pesar da demanda interposta o pasado ano polos mesmos feitos e da que aínda non se coñece a sentenza, o Concello de Lugo “persista na súa negativa de abonar estas retribucións a este persoal, cando é precisamente a administración a que debería de dar exemplo de respecto á legalidade vixente”. Neste sentido, CSIF lembrou que “existe xurisprudencia que determina que lasbajas por maternidade e paternidade non deben ser entendidas como baixas laborais”.
