Un veciño de Lugo de 49 anos aceptou dous anos de prisión por un delito de corrupción de menores, ao recoñecer que ofreceu a un menor de idade cen euros a cambio de sexo en febreiro de 2020.
O xuízo íase celebrar no xulgado do Penal número dous de Lugo, aínda que finalmente houbo conformidade entre as partes, entre a defensa neste caso e a fiscalía.
A fiscalía pedía tres anos de prisión, por un delito de corrupción de menores ao acreditar que en febreiro de 2020 o agora condenado ofreceulle a un mozo de 17 anos, na Praza Fonte dos Ranchos da cidade de Lugo, ata cen euros por unha felación.
Ademais da pena de cárcere, ao acusado castígaselle cunha multa de cinco euros diarios por un período de doce meses, o que supón máis de 1.800 euros, en concreto 1.825 euros. O condenado non entrará finalmente en prisión.
