Un operativo continúa este luns a procura do octoxenario desaparecido no municipio lucense de Friol desde o pasado 4 de setembro.
Veciños e familiares do home, así como efectivos de emerxencias, reiniciaron os labores de procura, que se intensificaron este fin de semana nas proximidades do cemiterio Condes, onde un transportista dixo ver ao ancián.
A familia deu a voz de alarma o domingo 4 de setembro, alertando de que o home non regresara ao seu domicilio, situado no lugar de Manxadoiro. O seu vehículo foi localizado nunha pista forestal pero sen pistas do seu propietario.
Para colaborar na procura, incorporáronse este fin de semana o servizo de drones da Axega, que se sumou ao amplo dispositivo organizado pola Garda Civil, pero sen obter resultados. Polo momento, non está previsto que se reincorporen aos labores estes vehículos non tripulados, aínda que continúa a procura polo terreo.
