- Advertisement -
Un home de 25 anos foi detido en Lugo pola Policía Nacional como autor dun delito de tráfico de drogas despois de requisarlle 30 quilos de haxix que tiña repartidos en dous coches.
O home, que conta con varios antecedentes polos mesmos feitos, foi arrestado a pasada semana nun control rutineiro da Policía Nacional. Ao recibir o alto, o mozo tratou de fuxir do control e case arroia os policías, que iniciaron unha persecución.
Unha vez interceptado e tras realizar unha serie de comprobacións, os axentes localizaron un segundo vehículo relacionado co primeiro. Entre ambos os turismos, o detido tiña repartido un total de 30 quilos de haxix listos para ser distribuídos na cidade.
