O Parlamento galego demandou ao Goberno central que destine fondos europeos para a construción do gasoduto Guitiriz-Zamora co fin de impulsar a medio e longo prazo o transporte de gases renovables e hidróxeno.
Esta proposta do PPdeG, que saíu adiante transaccionada co PSdeG e coa abstención do BNG, tamén pide o desenvolvemento da terceira interconexión con Portugal, con garantía de integración de todos os territorios da península ibérica.
Na comisión de Industria, a deputada popular Marta Nóvoa subliñou que España lidera a capacidade de almacenamento e regasificación de Europa, pero hai “un importante problema que é a falta de interconexión enerxética con outros países, o que sería clave para consolidar este liderado de España”.
Por tal motivo, ese gasoduto “permitirá o transporte de gases renovables e será fundamental para conectar a xeración de hidróxeno verde en Galicia co resto de redes de transporte europeas”.
