InicioSociedadeCheché Real: "A presenza de turistas e viaxeiros vai ser apoteósica neste...

Cheché Real: “A presenza de turistas e viaxeiros vai ser apoteósica neste Arde Lucus”

Lugo volve aos niveis de prepandemia neste Arde Lucus cos hoteis ao completo

PUBLICADA O

- Advertisement -

A celebración da festa de recreación do pasado romano e castrexo da cidade de Lugo, o Arde Lucus, que este ano terá lugar do 9 ao 12 de xuño, xa roza o cento por cento en canto a ocupación hoteleira.

Unha porcentaxe que trasladou o presidente da Asociación Provincial de Empresarios de Hostalaría de Lugo, Cheché Real, quen anticipa un “éxito total” para esta festa. “Estamos a rozar o cento por cento de ocupación”, afirmou. Así, apuntou que “a presenza de turistas e viaxeiros vai ser apoteósica e esta presenza vai ser mellor e vai superar a dos anos 2017 e 2018″.

O tamén presidente da Federación Galega de Hostalaría aproveitou para “resaltar” por parte da súa asociación e a hostalaría en xeral, “o pór en valor o traballo que se fai por parte das asociacións de recreación histórica“, que son 19 (dez castrexas e nove romanas) e “tamén o recoñecemento ás administracións como o Concello de Lugo”.

“Á parte do éxito empresarial que pode ser pola afluencia de xente, tamén hai que ter en conta a proxección, en principio, que ten o Arde Lucus a nivel nacional”, sinalou. Cheché Real fixo fincapé en que esta festa histórica “dá unha proxección” que sitúa a Lugo “nun panorama turístico moi importante e isto é grazas ao bo traballo das asociacións”, insistiu.

Un dos aspectos que vai favorecer a edición deste ano é o “bo tempo” que se prevé para estes catro días. “Parece que vai haber bo tempo e non vai chover. Vai ser un éxito rotundo”, concluíu o hostaleiro lucense.

ÚLTIMAS

O BNG insta o Senado a rexeitar o proxecto de Altri tras o “clamor social” manifestado en Palas de Rei

A senadora do BNG, Carme da Silva, defenderá esta semana unha moción no pleno da Cámara...

Tres feridos nun accidente entre un turismo e un camión en Vilalba

Tres persoas resultaron feridas este luns nun accidente de tráfico rexistrado na autovía A-8...

Paula Alvarellos reactiva os contactos co IGVS sobre os proxectos de Casa Torre, Dona Urraca e O Castiñeiro

A alcaldesa de Lugo, Paula Alvarellos, retomou as conversacións co Instituto Galego de Vivenda e Solo para avanzar...

Destinaranse tres millóns de euros ó proxecto de reforma do estadio Anxo Carro

A Xunta de Galicia espera licitar en xaneiro de 2025 a obra de reforma...