InicioSociedadeA Deputación ofrece asesoramento sociolaboral a veciñanza e desprazados ucraínos

A Deputación ofrece asesoramento sociolaboral a veciñanza e desprazados ucraínos

Achegará 25.000 euros para esta prestación da que se encargará un equipo de 92 profesionais e que beneficia cada ano a máis de 70 usuarios.

PUBLICADA O

- Advertisement -

O presidente da Deputación de Lugo, José Tomé, e o vicepresidente do Colexio Oficial de Graduados Sociais da provincia, José Luís Piñón, asinaron este mércores un convenio de colaboración para ofrecer de maneira gratuíta información e asesoramento sociolaboral a veciñanza en situación de vulnerabilidade e a persoas desprazadas pola invasión de Ucraína.

En concreto, a institución provincial achegará 25.000 euros para esta prestación da que se encargará un equipo de 92 profesionais e que beneficia cada ano a máis de 70 usuarios. Tal e como explica o Colexio de Graduados Sociais, o principal obxecto de consulta durante o 2021 foron cuestións relacionadas coas novas circunstancias laborais, cos dereitos profesionais, cos salarios, coa duración da xornada e coa conciliación.

Pola súa banda, o presidente da Deputación destacou que este servizo de orientación contribúe “de maneira importante á xustiza social e á igualdade“. “Uns valores cos que nesta institución estamos firmemente comprometidos e tentamos favorecer de maneira transversal en todas as accións do goberno, e máis agora polas especiais dificultades provocadas pola pandemia e a invasión de Ucraína”, incidiu Tomei.

En concreto, o colexio profesional traballará de forma coordinada cos departamentos de Servizos Sociais de todos os concellos da provincia que lle trasladan á entidade as diferentes consultas.

Os interesados poderán pedir cita previa na web https://graduadossocialeslugo.com/-, tras o que se porá unha data para a reunión na sede do Colexio ou nas diferentes oficinas habilitadas en cada partido xudicial.

ÚLTIMAS

Seguen hospitalizados 3 dos 6 intoxicados con deterxente nunha pulpería de Lugo durante o San Froilán

Tres das seis persoas que tiveron que ser ingresadas a pasada fin de semana...

Ratifican sete meses de cárcere para unha nai de Lugo que impediu visitas ao seu fillo por parte dos avós

O Tribunal Supremo confirmou a condena a unha muller de Lugo por un delito...

Finalizan as obras para mellorar o sistema de saneamento do Cebreiro

A Confederación Hidrográfica do Miño-Sil (CHMS), organismo autónomo dependente do Ministerio para a Transición...

Aprobada a licenza urbanística para ampliar as instalacións da protectora de animais

O Concello de Lugo completou este mércores o proceso administrativo necesario para legalizar e ampliar as...