- Advertisement -
A alcaldesa de Lugo, Lara Méndez, asinou o decreto polo que se lle dá traslado á Xunta dun total de 1.035 expedientes sancionadores vinculados coa normativa sanitaria covid que o Concello se viu obrigado a tramitar antes do 26 de febreiro, data do cambio normativo galego, “sen ter as competencias para facelo”.
Segundo traslada, conclúe e arquiva os expedientes, abertos entre o 1 de setembro de 2020 e o 26 de febreiro de 2021, e remíteos ao Goberno galego porque aínda non prescribiron.
A Administración local transmitiu que lle reclamará á Xunta os custos da tramitación, ao ter que contratar a unha empresa ante a insuficiencia de medios técnicos e de recursos humanos propios.
