InicioSucesosVarios feridos e un apuñalado nunha pelexa multitudinaria en Lugo

Varios feridos e un apuñalado nunha pelexa multitudinaria en Lugo

A investigación continúa aberta sen descartarse máis arrestos e foron lozalizados dous coitelos escondidos en rúas próximas ao lugar

PUBLICADA O

- Advertisement -

Un home foi detido por causar a outro feridas con arma branca nunha pelexa multitudinaria rexistrada na madrugada do pasado domingo no centro de Lugo, na Rúa Catedral. Outros participantes na pelexa sufriron feridas contusas, segundo a Policía Local.

Fontes da Policía Nacional confirmaron a Europa Press que a detención se produciu na mesma madrugada do domingo e que o home está pendente de pasar a disposición policial.

As mesmas fontes apuntaron que na pelexa participaron “entre 10 e 15 persoas”. Tras ser disolta e, ademais de deter como suposto autor do acoitelamento a un dos participantes, abriuse unha investigación para determinar o grao de implicación do resto, polo que non se descartan máis arrestos.

A Policía Local informou de que ás 4,10 horas a Sala do 092 foi informada dunha pelexa multitudinaria na Rúa Catedral, e procedeuse a enviar á zona a todos os efectivos dispoñibles.

LOCALIZADOS DOUS COITELOS

Ademais de disolver a pelexa, os axentes identificaron a varios implicados, así como a varias testemuñas do ocorrido. Precisamente, seguindo indicacións das testemuñas sobre o itinerario seguido polos implicados, os axentes lograron localizar dous coitelos utilizados na pelexa. Ambos os coitelos foron incautados e postos a disposición da unidade investigadora.

ÚLTIMAS

Colisión frontal en Lugo deixa tres persoas hospitalizadas

Tres persoas resultaron feridas e unha delas tivo que ser excarcerada tras unha colisión...

O Concello de Lugo reclama á Xunta a recuperación inmediata do antigo cuartel de San Fernando

O Concello de Lugo reclamou á Xunta que execute de inmediato a recuperación do...

A Deputación de Lugo impulsa unha campaña para apoiar ás familias na volta ao cole

A Deputación de Lugo e a Federación Galega de Comercio lanzaron este venres na...

Sorprenden un home roubando unha bicicleta rompendo a cadea cun machete en Lugo

Axentes da Policía Local de Lugo sorprenderon na mañá do xoves a un home...