InicioLugo e contornaLugoA Deputación fai balance "positivo" de Fitur fronte ás críticas do PP

A Deputación fai balance “positivo” de Fitur fronte ás críticas do PP

"Tivemos a mellor proxección posible", valorou Tomé.

PUBLICADA O

- Advertisement -

O presidente da Deputación de Lugo, José Tomé, fixo este martes, previamente á celebración dun pleno provincial, un balance “positivo” da presenza da provincia lucense na feira de turismo Fitur, celebrada a semana pasada en Madrid, porque supuxo unha “proxección da provincia moi importante”.

Tomei considera que esta presenza “foi positiva para a provincia, cunha presentación da política de turismo da Deputación no pavillón de Tour España que permitiu unha proxección moi grande, tanto dentro do país como fose porque se estaba transmitindo a través de streaming para todo o mundo”. “Tivemos a mellor proxección posible”, presumiu.

Tamén puxo especial relevo na presenza de cineastas, aos que agradeceu “a súa presenza alí, como Suso López de Vaca Films ou doutros directores que non puideron estar alí porque estaban a rodar como Dani da Torre ou Oliver Laxe”. “A proxección da provincia en Fitur foi moi importante, cunha proxección nacional e internacional tamén que posiblemente desde outros ámbitos non poderiamos darlle”, sentenciou.

“NEFASTA”

Con todo, este “balance” non o compartiu o portavoz do PP na Deputación de Lugo, Javier Castiñeira, que cualificou de “nefasta” a política de turismo do goberno provincial. Castiñeira tachou de “fracaso” a presenza da Deputación en Fitur, polo que “o PP entende que hai que volver á senda de Turismo de Galicia e non como está a facer o BNG (socio de goberno cos socialistas) que pretendía romper co Xacobeo e o propio partido socialista que pretende romper con Turismo de Galicia”. “Hai que volver á senda e crear un plan de turismo que se enfoque para os próximos anos con certas garantías”, reivindicou finalmente o portavoz provincial dos populares.

ÚLTIMAS

Obradoiros de coiro, cerámica e teares para celebrar os ‘Días Europeos da Artesanía’

A Vicepresidencia da Deputación de Lugo, a través da área de Artesanía, súmase á...

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...

Bombeiros dá por extinguido o incendio no polígono de O Ceao e a Policía Científica inicia a súa investigación

Bombeiros de Lugo deu por extinguido este mércores o incendio que calcinou na xornada...