A Garda Civil imputa en calidade de investigado a un veciño de Vilalba de 73 anos como suposto autor do furto de pedras de cantaría valoradas en 8.500 euros, segundo informa a Benemérita.
Sobre o presunto autor dos feitos, asegura que foi posto xa a disposición xudicial. Mentres, outras tres persoas foron detidas como supostos autores dun roubo con forza nunha empresa situada no termo municipal de Outeiro de Rei.
Os feitos teñen lugar o pasado mes de agosto cando se produciu un roubo de material por valor de 14.000 euros. Os detidos son tres veciños de Lugo, de 21, 42 e 41 anos.
Por outra banda, a Garda Civil imputou, en calidade de investigado, a un veciño da localidade lucense de Foz, de 59 anos, como suposto autor dun delito de apropiación indebida dun vehículo a motor. Supostamente apropiouse dun turismo sen a autorización da súa lexítima propietaria.
