Galicia experimenta un novo incremento de contaxios de Covid-19 ata os 33 –dez máis– e de casos activos, que se sitúan en 438 –seis máis–; mentres que os pacientes hospitalizados descenden a 31 –tres menos– e a taxa de positividade cae a un 0,48 por cento.
Segundo os datos actualizados este mércores pola Consellería de Sanidade con rexistros ata as 18,00 horas deste martes, as persoas hospitalizadas pola Covid en UCI baixan a oito –unha menos— e descenden a 23 as ingresadas noutras unidades –dúas menos–, mentres que 407 atópanse en seguimento no seu domicilio. Por áreas sanitarias, segue sen cambios na área de Lugo onde hai tres en críticos e un noutra unidade.
BAIXAN OS CASOS
Por segunda xornada consecutiva esta semana os casos activos soben lixeiramente ata os 438 no conxunto de Galicia, seis máis, ao haber de novo máis contaxios (33) que altas (27), pero desdecenden na área de Lugo (-5), que queda con 40 casos en toda a provincia.
